Publiku në Turqi është surprizuar së fundmi nga një video që po qarkullon gjerësisht në rrjete sociale, ku disa aktorë shumë të njohur të kinematografisë dhe serialeve turke zbulojnë origjinën e tyre shqiptare.
Prej vitesh, ata janë identifikuar nga publiku si aktorë turq, falë roleve të tyre ikonike dhe prezencës së vazhdueshme në ekran. Megjithatë, në deklarata publike dhe intervista, disa prej tyre kanë pranuar hapur se rrënjët e tyre janë shqiptare, duke shkaktuar reagime të shumta dhe habi mes fansave.
Videoja, e cila është bërë virale, ka nxitur diskutime të gjera mbi origjinën, identitetin dhe historinë e shqiptarëve në Turqi, si dhe kontributin e tyre në art, kulturë dhe industri kreative.
Komentet në rrjete sociale janë të shumta, ku shumë ndjekës shprehen krenarë për suksesin e aktorëve me prejardhje shqiptare, ndërsa të tjerë pohojnë se kjo është një tjetër dëshmi e ndikimit të shqiptarëve përtej kufijve.